Бүгін Нұрсұлтан Назарбаев қорының концерт залында ҚР Халық әртісі, Мемлекеттік сыйлығының иегері, Ескендір Хасанғалиевті еске алуға арналған романс кеші өтті.
Аталған кеште Абай атындағы ҚҰОБТ солистері, Ескендір Хасанғалиев атындағы І Халықаралық опера орындаушылар конкурсының лауреаттары, Петр Чайковский атындағы Алматы музыкалық колледжі "Академиялық ән салу", "Дәстүрлі ән салу", "Қазақ халық аспаптары" ПЦК оқытушылары, "Алатау" жастар хоры, "Достлуг" ансамблі мен колледжіміздің скрипкашылар ансамблі өнер көрсетті.
Қазақтың ән өнеріне зор үлес қосқан ұлы композитор Ескендір Өтегенұлының шығармашылығын насихаттап жинақтауда шығармашылығының мирасқоры, колледж директоры ҚР еңбек сіңірген қайраткері Хасанғалиев Б.Е. еңбегін ерекше айтып өтуімізге болады.
Концерт соңында барша өнерпаздар мен өнер сүйер қауым "Атамекен" әнін бірге орындады.
