Ақпан айының 26-28 жұлдызы аралығында Петр Чайковский атындағы Алматы музыкалық колледжінде «Хасанғалиев әлемі» мәдениетті қолдау қорының ұйымдастыруымен «Көшпенділер әуені» VII дәстүрлі орындаушылар конкурсы ән номинациясы бойынша өтеді. «Көшпенділер әуені» Республикалық дәстүрлі орындаушылар конкурсы ҚР Мәдениет және ақпарат министрлігіне бағынысты білім беру ұйымдары педагогтарының аттестатталуына арналған конкурстар мен олимпиадалар тізіміне бекітілген. Байқауға республикамыздағы музыкалық колледждерде «Дәстүрлі ән» мамандығы бойынша білім алатын студенттер қатыса алады.
Байқау ІІ кезеңнен тұрады:
І кезең
1. Халық әні.
2. Халық композиторларының әні.
3. Е.Хасанғалиевтің дәстүрлі ән бағытындағы әні.Өз қалауы бойынша.
ІІ кезең
1. Халық композиторларының жоғары регистрдегі әні.
2. Сирек орындалатын халық әні немесе халық композиторларының әні.
3. Ескендір Хасанғалиевтің дәстүрлі ән бағытындағы әні. Өз қалауы бойынша.
Е.Хасанғалиев әндерін https://music-college.kz/ осы ссылка бойынша жүктеуге болады. («Ағайын», «Мұхит бабам», «Ақынның домбырасы», «Өлең сөздің патшасы», «Туған өлкем», «Ақжайық елім», «Әскер әні», «Айналдым елім», «Көңіл назы», «Алтын құмдағы тебіреніс»)
Байқауға қатысушылар Ескендір Хасанғалиевтің
І кезеңде орындаған әнін
ІІ кезеңде қайталамауы тиіс. Байқауда қазылар алқасы байқау лауреаттары мен дипломанттарын тағайындайды.
Гран-при – 1;
І орын – 1;
ІІ орын – 2;
ІІІ орын – 3;
Дипломанттар – 3.
Байқау жүлдегерлері мен дипломанттарына қомақты ақшалай сыйлықтар табысталады.
Ақшалай сыйлықтар қатысушы мен ұстазына 50% - 50% бөлінеді.
Байқау лауреаттары мен дипломанттарын дайындаған ұстаздарына Алғыс хат табысталады.
ІІ кезеңге өтпеген қатысушыларға қатысқаны үшін Алғыс хаттар табысталады.
Байқаудың басты серіктесі: «Хасанғалиев әлемі» мәдениетті қолдау қоры. @khassangaliev_alemi
Барлық қатысушыларға сәттілік, шығармашылық шабыт тілейміз! Дәстүрлі музыка өнері жасай берсін!
