2026 жылғы 9 қазанда Қырғыз Республикасына жасалған жұмыс сапары аясында Петр Чайковский атындағы Алматы музыкалық колледжінің делегациясы Таштан Эрматов атындағы Бішкек музыкалық-педагогикалық институтына барды.
Сапар барысында екі оқу орны арасында ынтымақтастық туралы меморандумға қол қойылды. Бұл келісім музыкалық білім беру саласындағы кәсіби және шығармашылық байланысты нығайтуға, тәжірибе алмасуға және бірлескен бастамаларды жүзеге асыруға бағытталған.
Кездесу кезінде тараптар білім беру үдерісін жетілдіру, педагогтердің кәсіби тәжірибесімен алмасу, студенттердің академиялық және шығармашылық ұтқырлығын дамыту, бірлескен концерттер мен шеберлік сабақтарын өткізу, сондай-ақ ортақ білім беру жобаларын ұйымдастыру мәселелерін талқылады.
Аталған меморандум екі оқу орны арасындағы серіктестікті дамытуға, педагогтер мен студенттер үшін жаңа кәсіби мүмкіндіктер қалыптастыруға жол ашады.
Бұл кездесу Қазақстан мен Қырғызстан арасындағы мәдени-гуманитарлық және білім беру байланыстарын нығайту жолындағы маңызды қадам болды.
