Петр Чайковский атындағы Алматы музыкалық колледжінің 90 жылдық концерті
2022 жылдың 9 желтоқсанында Жамбыл атындағы Қазақ Мемлекеттік филармониясының концерт залында Петр Чайковский атындағы Алматы музыкалық колледжінің 90 жылдығына орай салтанатты концерт өтті.
Кешімізге ҚР Мәдениет және спорт министрлігі, Мәдениет комитеті төрағасының орынбасары Данияр Абзалиденұлы Алиев мырза қатысып, ҚР Мәдениет және спорт министрі Д.Абаевтың арнайы құттықтау хатын жеткізді.
Сондай-ақ СССР Халық әртісі, Еңбек ері Әлібек Дінішев, ҚР Халық әртісі Нағима Есқалиева, ҚР Халық әртісі, Еңбек ері, Қазақ Ұлттық өнер университетінің ректоры, профессор Айман Мусаходжаева, Мәскеу қаласынан арнайы келген қонағымыз Денис Андреевич фон Мек сынды аты аңызға айналған құрметті қонақтарымыз мерейтойлық концерттің маңыздылығына тоқтала келе, еліміздің музыкалық білім беру саласындағы жетекші білім беру орталығы ретіндегі колледжіміздің орындаушылық өнерін жоғары деңгейде екенін атап өтті.
Мерекелік концерт колледж оқытушыларымен студенттерінің концерттік бағдарламаларына ұласты.
