“Дәстүрлі ән” номинациясы бойынша “Көшпенділер әуені” VII Республикалық дәстүрлі орындаушылар конкурсының салтанатты ашылу рәсімі өтті
Бүгін колледжіміздің Ермек Серкебаев атындағы концерт залында ҚР Халық әртісі, Мемлекеттік сыйлығының лауреаты, даңқты композитор, әнші Ескендір Хасанғалиевтің 85 жылдық мерейтойына орай “Дәстүрлі ән” номинациясы бойынша “Көшпенділер әуені” VII Республикалық дәстүрлі орындаушылар конкурсының салтанатты ашылу рәсімі өтті.
Байқауда еліміздің түкпір-түкпірінен келген 27 қатысушы бақтарын сынағалы отыр.
Қазақстанның халық әртісі, профессор - Рамазан Стамғазы байқауға қатысушы талантты жастарға ақ жол тілеп, өнер бәйгесінің басталуымен құттықтады.
Сондай-ақ колледж директоры, ҚР еңбек сіңірген қайраткері Хасанғалиев Біржан Ескендірұлы мен қазылар алқасының төрайымы, ҚР еңбек сіңірген қайраткері Байбосынова Ұлжан Мәлікайдарқызы байқауға қатысушыларға сәт сапар тіледі.
